粉紅水門雞 (威達商業大廈) (已結業)

亞女星期六係學校上完興趣班，話想去睇猫猫同狗狗，所以搭van仔落旺角仲帶佢食班蘭厚多士添。今次去左間家庭式嘅小店，裝修比較簡單樸素，但店員好nice家，都幾多人黎排隊添啵😍我地叫左2個主食、2個小食同2款野飲！我以為我地食得哂，但點知份量都唔少🤣🤣🤣水門雞海南雞飯都幾好食，雞又滑，個油飯都好香，亞女食唔少😌😌仲有佢個泰式酸辣醬都好好味，沾雞食或者撈飯都好惹味。煎蛋香葉肉碎飯肉碎份量都好多，完全唔吝嗇，少少辣真係好送飯，正宗嘅會落埋豆角粒，加埋流心蛋一流呀。陳年柑桔蜜 & 冷泡白桃烏龍酸酸甜甜又潤口，而冷泡白桃烏龍茶香又無糖岩哂我，2款飲品都好抵飲。自家酸酸辣辣鳳爪Lee個對我黎講辣了少少，但越食越滋味。秘製椰香班蘭厚多士多士烘左底，而且班蘭醬都好多。