To-Gather Cafe (已結業)

一般樓上 cafe 比人的感覺食物好普通，今次終於搵到一間好食嘅。無得輸芝士薯條：新鮮炸的，一上來係熱辣辣，芝士落得好足，簡直係完美啊。小食拼盤：有吉列珍宝蝦，泰式豬頸肉，粟米墨魚餅，蜜汁雞肉串，惹味咖哩角，蜜糖雞翼，芝士汁焗蔬菜，只睇個分量已經好充足，炸物唔會全部都係粉，蜜糖的唔會過分甜，真係用心去做， 唔會求其。卡邦尼煙肉扭扭粉：一來d汁已經好香，煙肉如果多d會更加好。鮮茄焗招牌香茅豬扒飯：個名好長，但真係可以做招牌，焗得比出面大家樂果d好味，芝士唔會焗到過火， 豬扒唔會太多骨。另外亦要推介下荔枝紅茶, 唔太甜又有荔枝香味!下次再同朋友吹水同玩，一定會再來。