El Portal (已結業)

閒日夜晚嚟到都幾多人，餐廳氣氛幾好，燈光暗暗地咁，又會播啲幾有情調嘅音樂，營造到一種放鬆而寧願嘅氣氛。蒜香蛋黃醬配炸魷魚 $88外層嘅炸粉薄而香脆，入面嘅魷魚彈牙新鮮，好香蒜味，配埋蛋黃醬真係好邪惡好好食。西班牙海鮮飯 $218見到好多檯客都有點，未上檯已經聞到香噴噴。賣相幾靚，色彩鮮艷，上面有大蝦、青口、蜆同魷魚，食落鹹中帶酸，味道豐富。烤八爪魚配法瓦豆泥 $168好鍾意食烤八爪魚，呢度嘅烤八爪魚肥美厚肉，彈牙入味；伴碟嘅法瓦豆泥都係誠意之作，creamy滑溜。