吃吧 (僑建大廈) (已結業)

蜜桃紅茶太甜，叫水吧哥哥加d 水，佢話可以加茶俾我，很好的服務態度呀！下午茶選擇唔係太多，我地人多叫晒成個menu 嘅野，樣樣都超好食！黑松露煙火腿芝士多士烘得香脆熱辣辣的麵包，芝士無乜拉絲效果，但好香黑松露味，黑松露同芝士配合超好，一次滿足曬兩個願望。Carbonara真係好好食，濃味夠creamy，好耐冇食到依個水準嘅carbonara 啦，好驚喜樓上鋪嘅水準仲好過出面連鎖意大利餐廳。西班牙鷄翼明明係似牛油雞翼關西班牙咩事呢？雞翼切開左一半，食得方便d。即叫即炸，入味，好香脆！encore 左一客焗芝士薯條大大pat 芝士喺上面，薯條比較粗身，我鍾意，食到停唔到口。唯一唔鍾意係d 芝士搞到d 薯條淋左～很出色的下午茶套餐，期待下次再來食晚餐。