小蜜蜂 (已結業)

沙田真係好多美食選擇，有時唔多唔少都會有選擇困難症，朋友話佢屋企附近有間茶餐廳可以滿足到我，有烤魚、有雞煲、羊腩煲、串燒等等，可以慢慢坐低吹水啤啤佢🍺 爽😎入到嚟真係花多眼亂好多嘢食，同埋細心睇，都有唔少嘅菜式，出邊少見，例如燒川式三婆肉醬茄子🍆、川北燒格格牛舌、剁椒燒廣島生蠔、香草煙肉燒廣島生蠔🦪、燒土魷，味道好之外仲碟碟份量都好大份，真心抵食👍🏻川式烤魚鍋上枱嚇親我，好大條魚，仲要個底好多料，有豆卜、芽菜、蓮藕、枝竹、木耳，開頭都好擔心食唔晒，但佢個汁做得好開胃，忍唔住一啖接一啖，食哂了🤣新界友又多個地方選擇喇，沙田圍落車行去都好近，價錢親民又好味，樣樣大大份選擇多💯