入到去個環境好特別，好古色古香，嘢食亦都好好食。 叫咗個滷水豬大腸，好入味，而且一啲都唔肥。
另外叫咗個麻糬地瓜棒，呢個我超級超級鍾意食，好煙煙韌韌，一啲都唔油膩，仲要個份量係超多，性價比超級高。
甜品方便梗係要叫佢哋嘅招牌名菜： 寶島鳳梨刨冰。 香港就算10月嘅天氣都係好熱，食完呢個刨冰簡直透心涼，啲嘢果又好味，而且仲要勁大份，食完真係好滿足。
買單嗰陣時我見到收銀有辣椒油， 原來可以買㗎，就係餐廳上面嗰個古法秘製辣椒油，每樽$68，其實真係好抵，包裝又勁靚， 所以我哋都買咗樽。
總括而言，呢間餐廳環境同埋嘢食都好好，性價比好高，大力推介👏👏
