Miso (已結業)

相信好少人唔鍾意食日本野，我當然都唔例外。難得同好友出地，就去左呢間鋪頭食好dd。食日本野，真係唔少得個刺生，今次個刺生係出色嘅，完全食到鮮甜嘅味道（大家知啦，任食場個d會有雪味得🙈）。特別要讚讚個海膽，唔會有甘苦味道，配埋個青瓜，正呀！另外都要讚下個天婦羅🍤，有時好怕食炸物食到成口粉，呢個就剛剛好，粉唔會太厚，入口第一下感覺夠鬆脆，又唔會炸得太耐，冇左食物本身嘅味道。兩個人唔係食到好多野，但食物嘅質素，再加上個環境，絕對正！