CoCo壹番屋 (皇室堡)

营业中

休息中

講到咖哩, 我自己最鐘意既都係日式, 但係香港, 要搵間價錢中等但又夠日式既咖哩專門店, 真係要講下Coco壹番屋。由於自己都去過幾次日本既關係, 所以對於日式咖哩都算係幾講究。而之前都試過幾次日本既Coco壹番屋, 突然有種懷念, 就走左去試香港既分店。首先去到, 排隊係少不免, 等左15分鐘。入到去店員既禮貌同態度都唔錯。坐低拎起個餐牌一睇, 發現都幾日式, 因為日本都係食咩都可以自己選擇飯既份量。咁我就叫左個咖哩忌廉雞肉蛋包飯, 而朋友就叫左個吉列豬扒蛋包飯。飯一到, 外形我都好滿意, 因為好多咖哩, 日本人食咖哩係可以就咁食, 所以咖哩同飯既比例一定要係咖哩多過飯先算係日式, 而係唔可以岩岩好夠你夾D飯一齊食完。咖哩既味道岩岩好, 甜度亦可以稱得上為日式, 至於辣度係可以俾客人自由選擇, 唔食得辣既朋友仔都可以去一試。我食既忌廉雞肉同咖哩出奇既夾, 令到咖哩多左忌廉既香同滑, 我覺得係適合大眾口味。如果想食日式咖哩但又唔想太貴既可以去試下, 的確唔錯。