影片
更多
2019-03-31
1520 浏览
第N次過嚟，都已經好熟路。星期五六日例牌記得訂枱。都係嗰啲問題，問你幾位留電話，要唔要坐窗口位，窗口位最低消費五舊水，兩口子嘅話難度就高啲，除非隔離嗰個係欣宜。同客食飯嘅話冇乜難度可言。環境：佢個景應該都算係數一數二，除非大時大節你俾佢踢咗去角落頭，咁就真係毛都睇唔到一條。如果唔係閒日去嘅話環境都算係幾好。食物：有開業到而家唯一一樣保持到水準嘅就係佢果籃蝦片，依然咁好食。其他食物不過不失，冇退步到，但係都唔覺有啲乜嘢進步。龍蝦泡飯好食，牛坑腩好食，冰鎮鮑魚抵食，晏晝嘅話無聊都可以叫碟叉燒，都係一個唔錯嘅選擇。服務：其實服務態度算唔錯，除咗佢會以超光速上菜，超光速收碟，同埋超光速想你埋單之外其他都冇乜問題。但係老實咁講，就算叫埋海鮮佢都平過佢嗰啲乜嘢西貢食乜記乜記，尖沙咀來講佢都算唔錯。考慮埋地區嘅話佢都算係冇得頂。價錢：老實講尖沙咀地段佢唔算貴，咁唔好同啲乜鬼嘢快餐百樂門嗰啲比，佢真係唔算收得貴。如果同啲客叫做同你公司有多少幫襯嘅都可以考慮呢度，咁當然如果個客係呃飯食嘅就唔該自己去返百樂門。總結：如果係同客食飯又唔想用腦嘅絕對係一個好選擇。同另一半嘅話就略嫌冇乜驚喜，純粹係一個食物穩陣
星期五六日例牌記得訂枱。
都係嗰啲問題，問你幾位留電話，要唔要坐窗口位，窗口位最低消費五舊水，兩口子嘅話難度就高啲，除非隔離嗰個係欣宜。同客食飯嘅話冇乜難度可言。
環境：佢個景應該都算係數一數二，除非大時大節你俾佢踢咗去角落頭，咁就真係毛都睇唔到一條。如果唔係閒日去嘅話環境都算係幾好。
食物：有開業到而家唯一一樣保持到水準嘅就係佢果籃蝦片，依然咁好食。其他食物不過不失，冇退步到，但係都唔覺有啲乜嘢進步。龍蝦泡飯好食，牛坑腩好食，冰鎮鮑魚抵食，晏晝嘅話無聊都可以叫碟叉燒，都係一個唔錯嘅選擇。
服務：其實服務態度算唔錯，除咗佢會以超光速上菜，超光速收碟，同埋超光速想你埋單之外其他都冇乜問題。但係老實咁講，就算叫埋海鮮佢都平過佢嗰啲乜嘢西貢食乜記乜記，尖沙咀來講佢都算唔錯。考慮埋地區嘅話佢都算係冇得頂。
價錢：老實講尖沙咀地段佢唔算貴，咁唔好同啲乜鬼嘢快餐百樂門嗰啲比，佢真係唔算收得貴。如果同啲客叫做同你公司有多少幫襯嘅都可以考慮呢度，咁當然如果個客係呃飯食嘅就唔該自己去返百樂門。
總結：如果係同客食飯又唔想用腦嘅絕對係一個好選擇。同另一半嘅話就略嫌冇乜驚喜，純粹係一個食物穩陣嘅餐廳。
张贴