嶺南樓

嘢食都幾大碟，炒芥蘭和西檸雞，味道都唔錯，豉油王炒麵都幾入味，牛肉煲係牛肉細舊啲，但係都幾好食。

食物送上速度很快，男侍應態度服務好好，又主動熱誠，值得讚！

不過，係樓面個著制服個女侍應/知客態度唔專業亦都唔禮貌，有「趕客」成份！我哋準時入去，個女知客唔知道係咪唔識睇電話畫面，俾佢睇OpenRice嘅訂座，佢都唔識睇，又問埋一啲唔係OpenRice要問嘅問題，最後先要問我攞電話，先對到訂座資料，唔通佢唔識睇中文或英文字？

嶺南大學嶺南樓餐廳酒樓，話晒都係有專業人士入去食飯，個樓面女之下點會連英文都唔識聽又唔識講又唔識睇？


去幾次啲朋友都覺得個女知客好冇禮貌！嶺南樓應搵另一個態度好又專業又識英文嘅樓面女士應招待客人！始終係大學嚟㗎，唔識睇英文，都需要講禮貌英文啦，仲要識講有禮貌嘅廣東話先夠專業！