新記芝士麵 (已結業)

淨係得即食麵既茶餐廳，真係聞所未聞 ~ 個芝士汁係幾好既，但未到驚喜位囉 ~ 都可一試 ~ 牆上面仲貼左啲連名都講唔出既無線演員黎幫襯既影片作裝飾 ~ 一個細細即食麵加個 cheap cheap 芝士汁連凍飲要四十幾蚊，以依個環境同食物質數，一啲都唔值 ~ 茶餐廳服務，更不值一提 ~四十幾可以靚芝士、靚雞扒、靚日版出前一丁麵 ~ 佢地用啲卡夫質數既芝士、大陸麵、乾爭爭雞扒 ~ 廿蚊就差不多 ~雞扒芝士撈即食麵，雞扒味道偏濃，太重味、略咸。係懶鬼炸雞扒，成塊掉落炸爐炸到乾爭爭就搞掂，無 heart 無廚藝可言。即食麵既麵質還可以，未算太腍。芝士汁咸咸地甜甜地，稀杰程度似鍊奶，可接受。食完都唔覺會太膩，因為唔係啲咩貴價芝士，個人覺得係 cheap 過卡夫之類普通貨。雞中翼芝士撈即食麵，雞中翼切件炸到乾晒，肉汁全部流失。最憎將雞中翼切開再煮，又有骨碎、又搞到一滴肉汁都無、肉質流失晒水份乾爭爭鞋烚烚，唯一好處係快熟、快易入味、懶 ﹗