校長燒肉日韓料理 (沙咀道) (已結業)

樓下reception個員工態度極差。事源本人book左19:15，19:30先到（明白自己遲到），入坐時間計少15分鐘（樓下員工極黑口黑面講你遲到吖嘛）。原以為入座率極高，故當時表示理解。其後上到樓上發現極多枱係空出的。其後覺得此舉實屬奇怪，當然我遲到我應該負責。如此，我寧願walk in或者直接轉場算。不過老實講句，雖然樓面冇乜走黎走去（好難搵職員幫忙）但係見到都好肯幫手，態度相比樓下的員工，極佳，只係未能輕易搵到人。另外食物方面，只有食物多元化有啲分，其餘分數極差。食物質素差不在話下，韓燒個爐放張紙上去先燒🤷🏻‍♂️係咩玩法？大火換紙換幾十次，細火又燒唔到。塊鐵周邊仲有千年燒焦痕跡。如果收費方面轉平我覺得比咩價錢有咩質素好合理，但$250（連加一）一個人（三人去食）。會唔會過分左？本人素來對食物要求不高，但係個爐咁樣，想點樣燒得好食🤷🏻‍♂️係有火鍋提供，但係如果一心黎燒肉，叫人情何以堪？BTW以前食過元朗個間算叫做正常（唔知算唔算同一公司）此純熟個人評論，不喜勿插。