養心殿台式養生鍋 (已結業)

去完歐遊太掛住打邊爐，所以去左樓下養心殿，今次試左麻辣小辣，仲有一份免費鴨血送，連我呢啲唔食得太辣既都食到，幾好！我地四個人叫左份大既本地手切牛，雖然份量未算係驚喜地多，但牛肉質素唔錯幾淋唔韌，都唔錯！亦叫左手工丸拼盤同餃子拼盤，手工丸入邊最鍾意鵝肝墨魚丸同梅菜豬肉丸，呢兩款較為特別，其實蝦丸都非常唔錯，爽口彈牙！餃類全部都係自家裝，自己最鐘意鮮蝦雲吞，入面隻蝦幾大隻，足料既！其他方法一定會叫水蓮同寬粉，水蓮唔係度度有得所食，吸晒啲湯實在必叫，而寬粉又係一樣，吸晒湯既精華又飽肚，正！