樓下冰室

营业中

休息中

實在太鍾意食樓下冰室嘅瑞士雞翼，當知道港島區都開咗分店，即刻去食啦。有懷舊風裝修嘅樓下冰室，必食招牌瑞士雞翼（$38/3隻），每隻雞翼都好入味，而且夠熱呢！吉列豬扒飯（$58），吉列豬扒夠薄脆，茄汁撈飯好懷舊呢。公司三文治（$55），非常大份，餡料豐富，有厚蛋、火腿、煙肉、雞肉、生菜同番茄，加烘底多士，一個人食一份都好夠飽。綠椰冰（$24），非常有特色嘅冰室飲品，椰汁冰加綠豆，難得一見就點黎飲啦。華田脆脆（跟餐價$12），凍華田加華田脆脆，有口感又夠rich華田味。