樓下冰室

营业中

休息中

同友人第一眼望到呢間冰室既時後，就話一定要入去試下，因為佢既裝修好靚，好多以新式物料、原素造成既懷舊擺設同裝飾，例如霓紅膠牌寫住“呢度埋單”，懷舊既磗地板，懷舊既食物，新式裝修，係結合新與舊既產呢度岀名瑞士汁雞翼同雞脾，所以一定要叫黎試啦，係好食既瑞士汁，但略微有點苦味。配送既沙律味道可以，但用膠兜裝住，個賣相就差啲啦。蕃茄濃湯通心粉都係其中一個招牌菜，所以一定試下啦，個蛋炒得好靚，湯底濃郁，夠酸甜。麻辣脆雞粒就相比起唔算好特别，不過係新鮮炸既，夠香口，份量夠4個人當小食share。食港式茶餐廳點少得菠蘿油，熱辣辣既菠蘿包夾住一大塊牛油，好難唔好食，食到好有罪惡感。紅豆冰又係懷舊食物之一，奶同紅豆比例係3/2，個人鐘意再甜啲，同埋支飲管太細，飲得有點辛苦，除此之外杯紅豆冰我係滿意既。綠椰冰我第一次飲，估唔到綠豆同椰汁好夾，同樣好滿意。係一間食下午茶既好地方。