吃吧 (僑建大廈) (已結業)

油麻地樓上Cafe，主打多款西式料理，前菜、小食、主食、甜點、仲有特色酒精飲品，打卡able又好味。店內環境大，空間感十足，燈光昏暗，另設有獨立房間，適合一大班人嚟聚餐。前菜大推香草白酒芝士藍青口，芝士味香濃Creamy，醬汁足以搭配脆脆法包，青口大隻多肉而且無沙。小食有水牛城雞翼同椒鹽雞軟骨，兩款炸至酥脆可口，令人忍唔住一啖接一啖。主食要咗伊比利亞煙燻豬架，豬肉嫩滑，啖啖肉，下面配上雜菜同軟綿綿嘅薯蓉，估唔到食完都幾飽肚。飲品有Piggy Ocean同曲奇Baileys沙冰，前者消暑解渴，後者甜蜜滋味，各有千秋。