The Mafe Cafe (已結業)

都好耐冇上樓上Cafe食嘢，今日呢間樓上Cafe網上評價唔錯，所以專登揀佢坐坐食少少野。叫咗一個肉醬意粉，一個焗豬扒飯同埋薯條同埋黑松露薯條。肉醬意粉面頭嘅芝士焗到脆脆地好好味。焗豬扒飯，塊豬扒口感好好，肉地厚，質感鬆軟。面頭嘅芝士同肉醬意粉嗰個一樣，都係焗到脆脆地架，超級好味。入面係白飯底。黑松露薯條，即叫即炸，熱辣辣，一定好味。Cafe入邊有唔同board game 玩，朋友聚會最適合。入邊嘅環境亦都相當舒適。