影片
更多
2024-10-01
942 浏览
我要烤魚銅鑼灣樓上呢間開業兩年左右罕有零負評嘅烤魚燒烤店「我要烤魚」人氣不減，平日夜晚去都好多人. 門面有大燈箱同埋兩隻大草泥馬擺設好搶眼. 入內餐廳木系風格似日式居酒屋. 座位好舒適兩個人坐卡座勁闊落. 一出𨋢未入門口已經充斥着香味. 入到去坐低店員都好友善細心介紹菜式，服務真係幾好.全日Sapporo 生啤$48買一送一抵飲，梗係即叫. 主角烤魚有四款醬汁可以揀，有重慶麻辣、萬洲香辣、蕃茄、酸辣金湯酸菜，辣度有幾款可以根據自己口味選擇. 魚有兩款，鱸魚啖啖肉魚味夠濃郁，青江魚嫩滑較多油香. 串燒有幾十款連不少罕有品種都有. ⭐️萬洲香辣烤魚鱸魚肉質真係好厚實. 烤魚炸過再烤外皮香口不過魚肉保持嫩滑. 配菜豐富，有土豆片、芽菜、 蓮藕、娃娃菜等. BB辣嘅辣到已經幾辣，仲會越煮越辣，非常過癮. ⭐️火鍋配料食完烤魚仲可以有多20款不同配料可以添加. 牛魔王嘅我哋揀咗手切鮮豐門牛柳、牛皇喉、牛柏葉. 牛柳份量不少，簡單一淥已經肉味濃郁口感柔軟. 牛皇喉質感特別. 牛柏葉勁爽有嚼勁. ⭐️燒茄子燒烤必不可少嘅燒茄子，表面鋪滿蒜蓉同香蔥，茄子肉軟腍腍好味道. 最正係唔會食落滿口油. ⭐️陀地燒生蠔
我要烤魚
銅鑼灣樓上呢間開業兩年左右罕有零負評嘅烤魚燒烤店「我要烤魚」人氣不減，平日夜晚去都好多人. 門面有大燈箱同埋兩隻大草泥馬擺設好搶眼. 入內餐廳木系風格似日式居酒屋. 座位好舒適兩個人坐卡座勁闊落. 一出𨋢未入門口已經充斥着香味. 入到去坐低店員都好友善細心介紹菜式，服務真係幾好.
全日Sapporo 生啤$48買一送一抵飲，梗係即叫. 主角烤魚有四款醬汁可以揀，有重慶麻辣、萬洲香辣、蕃茄、酸辣金湯酸菜，辣度有幾款可以根據自己口味選擇. 魚有兩款，鱸魚啖啖肉魚味夠濃郁，青江魚嫩滑較多油香. 串燒有幾十款連不少罕有品種都有.
⭐️萬洲香辣烤魚
鱸魚肉質真係好厚實. 烤魚炸過再烤外皮香口不過魚肉保持嫩滑. 配菜豐富，有土豆片、芽菜、 蓮藕、娃娃菜等. BB辣嘅辣到已經幾辣，仲會越煮越辣，非常過癮.
⭐️火鍋配料
食完烤魚仲可以有多20款不同配料可以添加. 牛魔王嘅我哋揀咗手切鮮豐門牛柳、牛皇喉、牛柏葉. 牛柳份量不少，簡單一淥已經肉味濃郁口感柔軟. 牛皇喉質感特別. 牛柏葉勁爽有嚼勁.
⭐️燒茄子
燒烤必不可少嘅燒茄子，表面鋪滿蒜蓉同香蔥，茄子肉軟腍腍好味道. 最正係唔會食落滿口油.
⭐️陀地燒生蠔
值得一讚餐廳好公道，本身叫咗兩隻，但係因為size較平時細餐廳就主動俾多謝我哋. 食落好惹味，蠔肉新鮮唔腥啖啖肉.
⭐️桂花蜜四川冰粉
食四川嘢點少得叫個冰粉，呢度做得清新香甜解辣. 桂花蜜好潤喉，冰粉透心涼，仲有提子乾同果仁等好豐富，完美作結.
呢度高性價比服務好絕對要回頭支持.
张贴
