磯野水產
左手邊係一坐底就有嘅小食
“野菜條沙律配提魚醬”
菜條新鮮爽脆，淡口嘅菜配合暖暖嘅提魚醬，突顯出提魚嘅鮮味，第一樣食品嘅印象已非常好，令人已經開始期待之後嘅食物
右手邊係，螢光尤魚沖漬伴芝士
尤魚味道較濃，但配合埋芝士一齊食味道剛好，尤魚肉質亦爽身
上，梅子甜酒，梅味香濃，容易入口
下，蘋果甜酒，清香嘅蘋果味加上淡淡嘅酒香
上，磯野浜燒盛合
種類十足，仲識得郁，可見十分之新鮮，未食都已經一百分
下，磯野海鮮刺身盛合
每款海鮮色澤鮮豔，嗅到陣陣嘅海水味道，証明真係非常新鮮
當然刺身先上啦
“牡丹蝦”
肉質爽甜
粒貝
爽脆，鮮甜，賣相亦非常好
赤貝
肉質較實，但爽脆非常，又係新鮮嘅證明，甜呀👍👍
原條池魚刺身
非常鮮甜，配合特制醬汁，令魚嘅鮮味梗加突出，魚身剩下少少嘅薄肉，看得出池魚本身還是非常新鮮
白貝，文蛤貝，韓鮮皇貝
每款燒得剛剛好，口感爽滑，鮮甜，新鮮真係皇道，無得輸
北寄貝，鮑魚
北寄貝，配合白酒，海草而燒成，啖啖都充滿貝類嘅鮮味同淡淡嘅海草味道
鮑魚，新鮮嘅鮑魚已經看頭十足，配合燒得剛好嘅火侯，令到鮑魚嘅味道更加完美，淡淡嘅海水味，加上鮮甜嘅肉質，又爽口
磯野芝士金龍卷
大大大隻嘅大蝦配上芝士，蟹子，十分之香口，蝦味十足，爽甜
另外服務亦非常之好，全程講解同介紹每一款食物，態度非常有善同有耐心
