壹食就醉 (裝修中)

今次同朋友去左尖沙咀既樓上私房菜打邊爐，坐既座位寬敞，好適合同三五知己一齊打邊爐或者食私房菜。我地今次打邊爐，店主推介我地食胡椒豬肚花甲做湯底。湯底既豬肚同花甲多到滿，已經可以當做一個餸，胡椒酸菜既味道夠哂濃，但又唔會搶左花甲既味道，打邊爐一流。另外，我地叫左佢地既手打牛丸🐮、牛胸爽同娃娃菜做火鍋料。佢地既牛丸十分彈牙，咬落去仲好多汁，份量都夠晒多。之後，我地仲叫左出面未見過既牛胸爽黎試！顧名思義，牛胸爽既質感非常爽口，食落去勁重牛肉既味，同佢白色外表俾人想像截然不同，鍾意食牛肉既人不妨一試。因為我地打邊爐既關係，店員話可以Like佢地個Page，然後就送左免費既羅漢果茶俾我地潤下喉。