影片
更多
2023-02-26
167 浏览
已經有一段時間都冇去Cafe探店啦～有時會想去啲比較悠閒，可以慢慢坐下、做吓嘢嘅Cafe，呢間樓上文青Cafe係幾好嘅選擇！Menu有輕食、主食同埋甜品，想黎食嘢或者做自己嘢都得！佢裏面有好多唔同嘅藝術品，有日本當代男藝術家奈良美智嘅畫作，筆下嘅畫作小朋友都好熟口面；仲有仙人掌嘅角落，介紹唔同品種嘅仙人掌，同埋幾個打卡位，藝術同文青氣息滿滿的！------------------------------◖美國安格斯西冷◗ $198牛扒伴碟配咗西蘭花苗同埋薯蓉，薯蓉好軟滑，西蘭花苗吸晒牛嘅精華，好香牛油味！牛扒揀咗七成熟，但煎出嚟應該熟過頭，有啲難切～西冷牛扒偏瘦，食落肉味濃郁比較有口感，配埋佢鹹鹹地嘅黑椒汁，更加帶出牛嘅味道！ ◖低溫牛面肉蕃茄汁扁意粉◗ $128意粉有口感，面頭有一隻溫泉蛋，同扁意粉撈埋一齊，食落更加creamy～牛面肉炆煮得幾入味幾軟腍，牛味都幾濃；茄汁味偏淡，啲意粉唔夠掛汁，比較淡口～◖黑松露忌廉白菌雞肉窩夫◗ $98佢有咸食同甜食嘅窩夫，今次試吓佢咸食窩夫，蛋香味出，黑松露忌廉醬好creamy好香，仲有啲蘑菇同埋嫩滑嘅雞肉，出奇地幾夾！不過醬料會整淋咗舊窩
佢裏面有好多唔同嘅藝術品，有日本當代男藝術家奈良美智嘅畫作，筆下嘅畫作小朋友都好熟口面；仲有仙人掌嘅角落，介紹唔同品種嘅仙人掌，同埋幾個打卡位，藝術同文青氣息滿滿的！
------------------------------
◖美國安格斯西冷◗ $198
牛扒伴碟配咗西蘭花苗同埋薯蓉，薯蓉好軟滑，西蘭花苗吸晒牛嘅精華，好香牛油味！牛扒揀咗七成熟，但煎出嚟應該熟過頭，有啲難切～西冷牛扒偏瘦，食落肉味濃郁比較有口感，配埋佢鹹鹹地嘅黑椒汁，更加帶出牛嘅味道！
◖低溫牛面肉蕃茄汁扁意粉◗ $128
意粉有口感，面頭有一隻溫泉蛋，同扁意粉撈埋一齊，食落更加creamy～牛面肉炆煮得幾入味幾軟腍，牛味都幾濃；茄汁味偏淡，啲意粉唔夠掛汁，比較淡口～
◖黑松露忌廉白菌雞肉窩夫◗ $98
佢有咸食同甜食嘅窩夫，今次試吓佢咸食窩夫，蛋香味出，黑松露忌廉醬好creamy好香，仲有啲蘑菇同埋嫩滑嘅雞肉，出奇地幾夾！不過醬料會整淋咗舊窩夫，食落就冇咗外脆內軟嘅口感～
◖流心焦糖雪糕法式班戟◗ $76
有一球士多啤梨雪糕喺上面，同埋暖笠笠嘅法式班戟一齊食，呢種一凍一熱嘅感覺好正！班戟外皮口感十分煙韌，包住啲焦糖香蕉同忌廉，切嘅時候做到流心嘅效果，裏面嘅忌廉奶香味濃，仲帶有少少酸味同埋焦糖香蕉嘅香味，整體微甜，甜品嚟講好出色！
◖火龍果百香果茶◗ $46
佢呢度竟然有水果茶，叫咗杯少甜，真材實料有粒粒果肉喺裏面，好清新解膩！
🌟Encore指數：8.5/10
张贴
