White Hse. (已結業)

今日去左一間被花海包圍住的地方食飯，餐廳一系列的花花佈置，令人心花盛放，係度飲杯野食個飯，真係心情都舒暢啲☺️。 韓式煙鴨胸炒蝴蝶粉，唔油膩啖啖都有微酸辣感，煙鴨胸香口，蝴蝶粉彈牙又有咬口😋。香草忌廉什菌意大利飯，味道像卡邦尼，忌廉汁好creamy好濃郁，飯粒分明咬落有煙韌感。碟豆花綠茶 ，鐘情紫色的我見到好愉快，飲落清新可口，有淡淡的綠茶味，好吸引打卡一流。玫瑰花釀紅茶，友人說飲到淡淡玫瑰花味，而且不太甜，幾好飲啊！