川滿居 (京都廣場)

营业中

休息中

同事帶我上樓食川菜，入到門口覺得掂喇好地道，座位好密，裝修老土，富有祖國風，應該都好正宗下。叫左個最出名嘅金湯酸菜魚同埋京葱炒羊肉。京葱炒羊肉好油，京葱同洋葱係香甜爽口嘅，但羊肉比較薄，同埋肥膏好多，又有強烈嘅羊臊味，唔食得羊嘅千祈唔好叫。金湯酸菜魚賣相100分，用一個巨型瓷盤裝住滿滿嘅酸菜魚，湯呈微微黃色，可能就係金湯之名嘅原因，湯底咸辣麻俱備，但可能味精較重，飲完好口渴。魚肉好多片，肉質滑嫩，但無味，一啲魚味都無，配料係泡過油嘅菇，同埋好薄嘅萵筍，重有好多薯粉。整體黎講唔算出色。