Comma Cafe

营业中

休息中

這幢大廈有點難找，要到巷仔先見到入口。估唔到呢度，都會有精心設計的打卡餐廳。一到3樓，就畀成幅花海牆吸引左，同樓下成為強烈對比﹗隔離仲放有半個人咁高嘅胡桃夾子，可以好好影相一番。坐低認真睇環境，枱櫈加上枱上擺設都有心思安排，成間餐廳都係童話般佈置，有吊燈，餐牌都係好有心思，整到好似故事書咁。主菜叫左蝦意粉，同埋2個小食。芝士焗西蘭花，同埋明太子多士配黑松露炒蛋。芝士好夠味，西蘭花又唔會焗到乾晒一上菜，無諗過有2大片多士，仲要明太子係塗滿整片多士，而炒蛋配松露真係無得輸。意粉熟得剛剛好，有咬口而鮮蝦好爽甜，唔會太濃味。至於飲品方面，一D 都唔失色，薄荷朱古力每一啖就好似食緊一片真薄荷朱古力咁，但我嘅Mocha 就偏甜一D。