Siam 28 (中國保險大廈) (已結業)

約左朋友去尖沙咀行街，朋友話上次食過呢間泰菜唔錯，就帶我黎試下～餐廳最近推出咗呢個泰式鍋，可以自選湯底、主菜同埋粉麵底，未食過泰式鍋湯粉，所以我地都想試下😎🔸泰式船湯豚肉鍋（$78）船湯嘅湯底非常濃郁，配上豚肉，非常夾🔸泰式椰汁海鮮鍋（$98）呢個椰汁湯底有少少酸酸甜甜，仲有椰香，我非常中意，而且海鮮份量都非常足料～我哋另外仲叫咗兩款小食，一個係朋友中意嘅蝦餅，一個係我中意嘅青木瓜沙律～🔸蝦餅（$25）彈牙得嚟有非常香脆，而且入面嘅蝦亦都好有口感🔸青木瓜沙律（$18）食泰菜我最中意食青木瓜沙律，非常開胃！