講笑啫,甘認真做乜啫你,其實我係坐𨋢上
初頭我以為安蔭係一個好山卡啦嘅地方,但原來並非如此,我行完商場,發現原來有街市,仲有好多嘢,再行入去,發現咗街市嘅都有食肆,其中之一,就係呢間
我叫咗腸粉,事頭婆問我洗唔洗蒸返熱,但老闆似乎堅持要蒸返熱佢,唔會求求其其,佢仲會附加一句唔好意思,淋上各種醬嗰陣撈得均勻,最後再灑上芝麻,攞到我手仲係熱騰騰
食落有甜酸辣味,口感爽口嫩滑
隨後我問佢某有冇加到乜,佢好友善同我講「冇加到,乜你放心食喇」,唔會敷衍我,跟住我叫咗份麻醬撈烏冬,烏冬粗身,香滑柔軟,醬味醇香
臨走時,老闆同一位路過檔前嘅肥仔打咗聲招呼,應該係常客
喺佢身上真係感受到咩叫街坊生意,價廉物優、敬業精神同友善態度
