平昌 (已結業)

平昌韓燒進駐樂富商場，今晚咁岩屋企冇飯開，就同阿仔行完街索性入去擦番餐😆。餐廳裝修同旺角果邊差不多，抽風系統都做得唔錯，食完都唔會一身燒烤味。第一round必點各款肉類，佢哋嘅牛仔骨同牛肋條都好有嚼勁，肉質鮮美，啖啖都係肉汁滋味。我最鍾意嘅係佢哋嘅薄切豬腩肉，燒完卜卜脆，用生菜🥬同泡菜包住黎食一流👍🏻。雞翼都係必食之選，啖啖都好多汁，配上啲微辣麵豉醬，真係好正。豬頸肉同魷魚都煮得恰到好處，豬頸肉肉質鮮嫩；魷魚更係彈牙可口，呢兩樣都係可以不停refill。虎蝦同扇貝都新鮮彈牙，燒烤之後更加鮮味十足，真係好正！最後要飲埋泡菜豬肉湯，豆腐海鮮湯同石鍋飯，呢幾款真係又飽肚又好味、最估唔倒韓燒就連石鍋飯都有得食，真心比讚👍🏻。