十三少 (已結業)

鍾意食辣嘅我，今日去到樂富，又搵到個新目標。位於樂富廣場， 地鐵站五分鐘就到，非常方便。午餐menu非常簡約， 唔使點諗我同朋友就揀咗個二人餐食。十三少酸菜魚， 超大個碟裝住氣勢磅礡， 一上碟靠個鼻聞到一陣麻酸辣味。 試下啖湯就知道佢好足料， 基本嘅萵筍菇類全部應有盡有。 最驚喜係裏面嘅魚 份量非常多， 而且肉質嫩滑， 係市場上酸菜魚少有供應嘅 新鮮貨， 實屬難得。口水雞， 一個 例牌嘅份量都唔算少， 口水雞嘅辣醬十分惹味， 送飯一流。 加28蚊食埋個紅糖糍粑， 呢款屬於經典嘅川菜甜品， 依舊冇令我失望， 食完辣之後每一次都要食佢。