Gochi (已結業)

今日去咗樂富，見到有間新開cafe，門面好似幾靚，有個大玻璃酒櫃，環境有d小清新嘅感覺，就入去試試。餐廳星期六都有set lunch， $138有湯或者沙律、法國麵包、主食和一杯凍水果茶，價錢合理。餐湯係忌廉南瓜湯，南瓜湯濃稠度剛好，甜甜的，有d脆脆麵包粒加煙肉，用嚟點法國麵包食都正。講返個法國麵包，出乎意料的好食，麵粉香，外脆內軟， 點橄欖油黑醋或者牛油都好好味。沙律方面亦都唔馬虎，除咗有羅馬生菜、紫椰菜、火箭菜仲有豆角同埋藜麥，健康又好味。自家製和牛肉丸手工意粉和牛肉丸大大個，份量足，肉質鬆軟，配鮮茄醬汁和少量芝士，味道不會有錯。特別要講的是意粉是手工製的，比平時食的較粗身，口感煙韌有咬口，掛汁好味。四重芝味薄餅芝士控必食，邪惡芝士奶香加咸香好好味，配上手製薄餅，薄餅皮外脆內煙韌有咬口，令人一口接一口。芝士餡料點上特別帶有微微辣味嘅蜜糖又有另一番風味，蜜糖中和了一點芝士咸香，跟芝士的奶香和咸香配合得好好。水果茶清新果味的凍茶非常解渴，而且夠大杯，一邊傾偈一邊飲，很寫意。