十三少 (已結業)

就算唔好辣，都一樣迷上酸菜魚。而十三少就係我近排喜歡嘅一間。今日同朋友仔約喺樂富食飯，喺樂富廣場等，見地鐵站寫A出口，出到去搵極都搵唔到間店，原來佢正正係B出口樓上。仲有送開胃涼拌木耳前菜佢嘅酸菜魚二人套餐份量好大，每次堂食完都會將餘下嘅一半嘅酸菜魚打包返屋企，唔只魚片多仲有好多蔬菜，用佢個鮮魚湯底煮麵一流。之前去食佢嘅土豆絲，好大份，今日冇咁餓就試吓佢嘅尖椒皮蛋，係用黃金皮蛋，流心蛋黃加微辣，好開胃。麻婆豆腐比出面嘅麻同辣，但用嚟撈飯就啱曬啦！記得要食時先好叫佢上甜品紅糖糍粑，熱辣辣就外脆內軟，凍咗就會硬啦！