樂天大喜屋 (已結業)

想一個價錢多種選擇，非放題莫屬。今次來到創興廣場既樂天大喜屋，每晚分兩個時段入座，兩個時段都排到人山人海。呢間放題開左好幾年，但人氣依然咁強。又基於人山人海，令我更有信心對呢間放題有無比的信心。入座時間準時，而且安排迅速，不用等太耐。除了order紙外，還提供自取食物區，如沙律、冷盤、甜品、湯、少部份熟食同炸物等等。至於飲品更應有盡有，花多眼亂。如罐裝汽水，果汁，啤酒，等等。放題主打當然是刺身，它以冰墊底，刺身款式都幾多而且新鮮，沒有雪味。壽司則細細件，款式多，食多幾件都唔會咁快飽。而芝麻雞翼炸得超級脆，表面帶芝麻，內裡還軟而帶有雞味，沒雪味及血水。炸芋丸外皮炸得軟中帶脆，入面帶有香芋味。燒菠蘿超級多汁。不過真是靠運氣，因並非每舊都係咁。放題款式應有盡有，存貨很足且沒有漏單，2.小時任飲任食，食到唔停口，個個都捧住個肚走，都係三百蚊內，的確抵食。