樂天大喜屋 (已結業)

位於創興大廈2樓全層嘅樂天大喜屋、有驚喜地因為佢圍住一個圈都是攞嘢食嘅地方，入邊其實乜都有，熟食，有夾糖，有清酒，有好多甜品都係任飲任食。魚生拼盤：（三文魚，劍魚腩，牡丹蝦，帶子）厚切三文魚，夠肥美，劍魚腩啖啖肉，所有食材都非常新鮮。蟹柳芝士壽司：幾乎每次都會食，實在太吸引，濃濃嘅芝士蓋着永遠食不停的蟹柳。仲要外邊燒一燒，加上沙律汁，亦都係小朋友最受歡迎的。蝦天婦羅：手掌大的蝦，加上薄薄粉漿，唔會太厚粉，外脆內軟。炸芝麻雞翼：依個都係我每次都會食，炸得好乾身，入面仍然好多汁，出邊調理得好好。炸榴槤波：濃厚嘅榴槤味，加上脆皮，食落去有新鮮感。最後要食雪糕啦，movenpick(每一個人有一杯)做一個完美嘅句號。