影片
更多
2018-02-12
915 浏览
年近歲晚我家的傳統是要吃一頓豐富的自助餐慰勞自己今年為左遷就係中大讀書既細佬, 我地就揀左沙田凱悅食估唔到好食之餘, 仲幾有驚喜沙田凱悅既自助餐同出面有少少唔到, 分左四大區域, 分別係中菜, 冷盤, 西餐同埋甜品而且每一區域由18:45開始, 每半個鐘每個區域會輪住去出一款特色食物搞到好似食客變左評判咁, 去選出四大高手邊個好食D真係又好玩又好食每次特色食物推出, 職員就會打鐘, 食客就乖乖地咁出去排隊扲中菜:取餐區:分別有炒蜆, 炒蝦, 牛腩, 炒菜, 老火湯, 蒸魚等等, 每次都放少少出黎ONLY確保新鮮, 而且餸唔夠啦, 廚師即炒比你睇, 幾好睇 食物:魚: 雖然魚好大條, 但真係蒸得岩岩好, 唔會鞋口, 幾有魚味炒蜆: 都幾辣下, 但唔會死辣, 因為有埋好多其他香料, 係辣得幾有層次牛仔骨: 唔靭, 幾有牛味, 炒得幾有鑊氣湯: 係蟲草花煲水鴨湯, 無味精, 清甜, 雖然用左鴨去煲但都冇咩油, 好飲到我飲左三碗限定特色食物:鮑魚扣花膠伴脆米: 又鮑魚又花膠, D個已經值回票價啦, 鮑魚1 D都唔靭, 但幾有咬口, 幾重鮑魚味；而花膠係厚身花膠黎, 唔係出面打邊爐食既花膠仔可比
今年為左遷就係中大讀書既細佬, 我地就揀左沙田凱悅食
估唔到好食之餘, 仲幾有驚喜
沙田凱悅既自助餐同出面有少少唔到,
分左四大區域, 分別係中菜, 冷盤, 西餐同埋甜品
而且每一區域由18:45開始, 每半個鐘每個區域會輪住去出一款特色食物
搞到好似食客變左評判咁, 去選出四大高手邊個好食D
真係又好玩又好食
每次特色食物推出, 職員就會打鐘, 食客就乖乖地咁出去排隊扲
中菜:
取餐區:
分別有炒蜆, 炒蝦, 牛腩, 炒菜, 老火湯, 蒸魚等等, 每次都放少少出黎ONLY確保新鮮, 而且餸唔夠啦, 廚師即炒比你睇, 幾好睇 食物:
魚: 雖然魚好大條, 但真係蒸得岩岩好, 唔會鞋口, 幾有魚味炒蜆: 都幾辣下, 但唔會死辣, 因為有埋好多其他香料, 係辣得幾有層次
牛仔骨: 唔靭, 幾有牛味, 炒得幾有鑊氣
湯: 係蟲草花煲水鴨湯, 無味精, 清甜, 雖然用左鴨去煲但都冇咩油, 好飲到我飲左三碗限定特色食物:
鮑魚扣花膠伴脆米: 又鮑魚又花膠, D個已經值回票價啦, 鮑魚1 D都唔靭, 但幾有咬口, 幾重鮑魚味；而花膠係厚身花膠黎, 唔係出面打邊爐食既花膠仔可比, 食落膠質好重, 我地女士要補下真係岩晒；另外值得一提係個脆米, 超香口, 混埋D鮑魚花膠汁係高級享受黎冷盤:
取餐區:
有凍蝦, 長腳蟹, 帆立貝, 各款刺身, 哈蜜瓜拼HAM等等食物:
長腳蟹: 大大隻, 拆開之後好易挖D肉出黎食, 重蟹肉味, 唔會水汪汪咁凍蝦: 我覺得係必食之選, 超級大隻, 出面買咁大隻蝦好貴的, 食落唔梅, 彈身
北寄貝: 爽口, 幾新鮮哈蜜瓜拼HAM: D個時間仲食到咁甜, 咁綿潤既哈蜜瓜真係驚喜, 而個HAM唔算好咸, 拼埋哈蜜瓜食岩岩好
限定特色食物:
海膽三文魚刺身飯: 其實只有少少飯, 咁先岩晒, 可以留肚食其他野, D度當中有唔少三文魚籽, 刺身, 而且仲有重點既海膽, 混埋D飯有唔同層次, 口感, 鮮味係個口不停滲黎滲去, 冇飯反而唔好食, D個唔錯西餐:
取餐區:
有腸, 羊架, 牛扒, 素食, 自家制PIZZA等等食物:
塊牛塊幾正, 應該得五成熟, 所以幾嫩口, 一D都唔靭, 但食落又唔會覺得好生, 牛味幾濃
限定特色食物:
芝士磨菇焗龍蝦配美國肉眼: 龍蝦超好食超新鮮, 輕輕一拉, D龍蝦肉已經好容易拉出黎, 可見新鮮程度, 食落龍蝦肉幾彈牙, 加埋濃濃既芝士增加惹味感, 但又唔會搶走龍蝦既鮮味；反而肉眼扒相較為失色, 因為我果舊過熟, 食落有點兒靭, 但我估因為都要就返有D人鐘意食熟D既, 但係細佬果舊就岩岩好, 唔會靭, 重牛味, 即刻搶左佢果舊食
甜品:
取餐區:
有好多唔同款既蛋糕, 雪糕, 葡撻等等食物
多口問左句雪糕原來係哈根大師, 大家都知咩味架啦哈哈, 反而蛋糕我每款都係老豆度偷食左啖, 幾有驚喜, 唔會死甜限定特色食物:
火焰雪山: 扲返黎仲有少少火的! 幾靚! 外面酒味幾濃, 入面係雪糕, 幾有特色
總結黎講四大主題各有特色, 食物幾正, 各有特色食物比好大驚喜我地, 如果一定要揀四大主題邊個勝出, 我最後係揀左中菜, 因為菜真係夠晒鑊氣, 湯正, 鮑魚花膠又豪華又好味。期待下次會再黎睇其他三個區域既大報復! 咁我地就可以食多D好野啦! 另外想提下服務真係好好, 職員衛生意識都唔錯, 每一個處理食物既職員都會戴手套 (其實D點好重要, 令我地食得放心好多!!!其他酒店好多都做唔到, 所以我比多個LIKE沙田凱悅!) , 期待下次再黎
张贴
