樂園 (已搬遷) 新店位置

今日好開心朋友約咗嚟尖沙咀一間特色餐廳食私房菜😎未去之前朋友已經講定有貓咪🐱可以陪我哋邊食邊玩！一聽見有貓咪🐱我就特別興奮, 因為我都零舍中意同貓咪🐱玩。一去到餐廳估唔到就有兩隻超可愛嘅貓貓...一坐低店主就親自介紹一個情人節套餐畀我哋, 而家呢個時間仲喺做緊超特價, 店主仲話我哋可以自己親手寫返自己名上去, 兼且仲印有情人節嘅生題名: Happy Valentines Day超貼❤真係好好玩而且啲野食又靚又好味道, 我最鍾意食隻大蝦同埋牛柳粒, 隻蝦爽脆鮮甜好好味, d安格斯牛柳粒厚肉又多汁, 簡直冇得彈！仲有一樣超正嘅流心蛋食落真係齒頰留香, 而且配埋德國燒烤腸同埋超厚身脆薯塊簡直冇得彈 "超正" 啊... 仲有呢間餐廳有好多特色野飲未試過真係要試下！大家未食過就要快啲嚟試下啦, 記住要預先book位, 因為呢間餐廳係超爆好快冇位架！