樂園 (已搬遷) 新店位置

今次係第三次來到樂園呢度啦，今日途經尖沙咀，就想去食下順便探下兩隻貓。一入到來所有野都無變過，同我兩個月前來都差唔多。由於我哋太肚餓所以先叫咗個松子蕃茄豆腐沙律同埋雞軟骨餃子。話說個蕃茄豆腐沙律真係好正啊！有好多日式芝麻汁，而且裏面用料充足，啲蕃茄全部都好新鮮，伴埋啲沙律菜好清新。裏面仲有大量嘅松子，聽人講原來松子好健康，因為炒飯通常都會加啲食，口感就更一流。之後要講一講呢一個雞軟骨餃子。一共有5隻。我不嬲都好鍾意食餃子。如果裏面係雞軟骨嘅話仲好味，啲肉點少少啲喼汁就更加好啦。我仲叫左杯店長推介嘅金莎朱古力嘢飲。呢一杯金莎朱古力好豐富，啲沙冰連埋金沙一齊攪拌真係好解渴。一路傾一路講，好快就過左兩個幾小時了，每人百幾蚊都唔錯。