楓 (已結業)

最近去開廣華醫院對面嘅槍街行街，行到咁上下時間就等埋朋友收工一齊去晚飯，朋友帶左我去槍街其中一間日式小店幫襯。餐廳雖然舖頭細細但入座率相當高，相信味道唔差先有咁多客幫襯，餐廳除左提供三款唔同湯底嘅烏龍麵，另外仲有大阪燒、烤蛋糕、窩夫同乳酪雪糕等等，同朋友各自叫咗唔同湯底嘅烏龍麵。湯麵未嚟之前叫咗大阪燒同乳酪雪糕 🍨 大阪燒口感軟熟最怕硬掘掘成塊餅咁，章魚肉等配料份量亦好多，乳酪雪糕有多種配料可自由配搭。香煎虎蝦咖喱湯鳥龍麵 ($68) : 開頭都有啲怕咖喱湯會好杰，但實物唔係之餘味道幾濃郁，虎蝦肉質爽彈，而且輕輕煎過口感更正，另外仲有半隻糖心蛋同粟米等配菜。朋友叫嘅香煎虎蝦蕃茄湯鳥龍麵。跟餐可以以優惠價配飲品。