發記甜品 (已結業)

食飯前經過哩間「發記」見人滿為患，就諗住晏啲喺厚福街食完飯再黎食翻個甜品至返屋企。去到已經唔駛等位啦，坐低無幾耐，冷氣太勁，勁凍咯。諗住哎多幾款，睇下係咪咁正先。 - 招牌楊枝甘露（$43）唔好睇個碗好似好細咁，其實幾大碗吓㗎。多西柚同埋兩大嚿嘅芒果，只不過有嚿芒果幾甜，有嚿就勁酸咯，都算OK好味嘅。 - 哈密瓜玻璃珠（$35）好似食緊冇味刨冰咁，啲玻璃珠就唔駛講，同聰嫂肯定冇得比㗎啦，連啲蜜瓜都唔甜嘅，成碗嘢都冇味嘅，中咗伏咯！ - 榴蓮飄香（$43）要讚吓哩個榴槤飄香，不得了啊！其實即係榴槤底嘅楊枝甘露，成碗都係榴槤，超正咯，食到停唔到口啊！無得輸！