老樹旗艦店 (已結業)

經過白加士街的老樹，被佢超級療癒的榴櫣香味吸引到，真系好香，好濃郁，各種榴槤類的食品五花八門，榴櫣控必到！榴槤專門店設有堂食，點左餐之後就可以上二樓。一路行上去，好似入左主題公園咁，氣氛滿滿的，二樓環境悠閒，感覺恬靜。瑞士蛋捲類，其中原味，紫薯，咖啡，都含有豐富的榴櫣果肉餡。而日式抹茶同培茶口味就不含榴櫣。我地點左一盒貓山王雪糕，紫薯蛋捲同原味蛋捲，仲有榴櫣蛋撻。榴櫣雪糕，包裝精緻，用新鮮榴櫣制成，一開蓋即刻令人陶醉！口熱綿密細緻，入口即化，榴櫣的香味充滿整個口腔，清爽不油膩。紫薯蛋捲同原味捲，都十分口感綿密，不會太甜，紫薯就照顧到d花心既人，一口食到兩種口味，驚喜發現紫薯同榴櫣都好夾，香滑易入口，而原味蛋棬就屬於專一類的至愛，啖啖榴櫣肉，味道純正，凸顯榴櫣的香，大愛！