睇個名就知道依間係一間燒肉餐廳，但佢竟然做埋榴槤，所以好新奇
肉類嘅選擇都多，牛舌好味，荔枝牛肩胛特別，中間真係有一粒荔枝，燒完之後牛肉同荔枝又出奇地夾，有清新嘅感覺。洋蔥牛肉都好食。
唔食牛嘅朋友都有幾款豬同埋雞嘅選擇，蜜汁雞翼，呢啲必食，所以都唔怕冇嘢食。海鮮方面，帆立貝都大大粒，同埋幾欣賞佢啲虎蝦又大隻又彈牙。
主角嚟啦就係榴槤，我當初以為依個放題淨係提供榴槤周邊嘅食物，點知佢一上枱係真係原粒榴槤，仲要唔止一粒，一碟起碼有三粒，榴槤嘅質素都幾好，有榴槤味甚至有啲榴連核細粒，變相好容易回本
店員都有提供生菜，提供多一個選擇好似韓式燒肉，生菜包，變相又另外一種食法
最後當然甜品雪糕任食有Häagen-Dazs同埋飲品任飲，唔錯嘅選擇👍👍
