餐廳以綠色為主調，配合埋陣陣既榴槤氣味，一入去就知道係以榴槤作為主題的甜品店。同大部分甜品店唔同，店入面同外面都有小型廚窗擺放甜品比顧客參考或購買。我地去既時候係晚飯時段，入面既顧客雖然唔多，但好多人都外賣甜品。另外餐廳入面比較安靜，枱與枱之間好鬆動，坐得都幾舒服。
雖然呢間餐廳大部分都係榴槤口味既甜品，但係本人對榴槤興趣不大，所以點了三檸沙冰以及沛公拼盤。
三檸沙冰分別是由檸檬，青檸以及咸檸製成。沙冰中有咸檬的果肉，所以飲起來有少少咬口。但係略嫌味道偏咸，青檸及檸檬的味道不夠特出。
另外沛公拼盤有一個千屠班戟(自選口味，我選了芒果），胚芽好立克鮮奶布甸及白裡透紅。但係由於無胚芽好立克鮮奶布甸，所以轉做芒果布甸。我自己一個食就有少少多，適合二至三個人，所以只好每樣試少少，但係真係一次過滿足你三個願望！布甸同班戟都很幼滑，裡面的果肉都很充足，但係班戟的忌廉有點多，吃起上來好膩。之後白裡透紅個名非常趣致，其實係紅豆腸粉，味道唔錯，食落既口感好新穎。
