聰嫂私房甜品

营业中

休息中

天氣咁熱，行街一定要食下消暑甜品🥵今次分別叫左龍眼椰果冰，凍椰皇榴槤燉雙皮奶同楊枝甘露。龍眼椰果冰好掂，佢唔同出邊其他鋪頭嘅刨冰，食完面頭有味道嘅，底下嗰層真係得冰，完全唔想繼續食，呢間佢係用30粒龍眼再加冰，變左沙冰，食到底都仲有味，同埋佢有椰果同埋爆珠，清新味道加豐富口感，好岩夏天食。凍椰皇榴槤燉雙皮奶呢個榴槤控真係必食！100分的推介，不誇張，榴槤果肉同雙皮奶入口即溶，非常嫩滑👍🏻最先食到重口味榴槤，然後到淡淡的奶香味，層次感豐富🔝係有驚喜。楊枝甘露呢款又係夏季受歡迎嘅消暑甜品。芒果香甜、柚子微苦、椰奶濃郁同西米露Q彈口感，帶黎豐富嘅味覺體驗。