影片
更多
2017-02-21
2401 浏览
懷舊呢個兩個字近年愈黎愈值錢，有唔少餐廳都以呢兩個字為題，喺裝潢、菜式花唔少心思，令食客感受嗰種懷舊氣息，但比起有故事嘅老冰室硬係爭少少野。榮華冰室未必係人生必食嘅餐廳，卻係歷史嘅見證，買少見少，唔怕遠嘅可以一試呢間經營幾十年嘅老冰室。由油塘出發，可以喺藍田鐵路站，坐小巴23C前往，幾分鐘就到茶果嶺村，會見到有個小公園設施，直行轉右便是。選擇步行亦可，經麗港城，沿茶果嶺道進入村內，大概15-20分鐘。我地都係咁啱去油塘，先順道過黎食個下午茶，落車後都搵左一陣，特別多謝有街坊見我地唔係村內人，加上一副疑惑，主動問係咪要去榮華再指出方向，足見冰室名氣。由於係週日，客人不少，相信有部分都係專程過黎，都舉住相機影過不停。 門外鐵閘、天花吊扇、木椅木凳、褪色海報、手寫白板餐牌，或許對老一輩而言，滿滿回憶。 五香肉丁麵 $16榮華冰室一律採用出前一丁，仲要唔洗加錢，淨係呢樣野已經絕哂種啦！肉丁都係用靚野，仲要料多，成碗麵咁靚仔，我仲有咩要求？魚片餐肉麵 $16魚片、餐肉輕輕煎過，香口啲但唔會燶，冇鍋撈，一樣係丁麵，結合價錢，又係無得輸雞翼尖 $13作為雞翼尖控，見到雞翼尖係必點的。雞翼尖用鹵水燜煮
榮華冰室未必係人生必食嘅餐廳，卻係歷史嘅見證，買少見少，唔怕遠嘅可以一試呢間經營幾十年嘅老冰室。
由油塘出發，可以喺藍田鐵路站，坐小巴23C前往，幾分鐘就到茶果嶺村，會見到有個小公園設施，直行轉右便是。
選擇步行亦可，經麗港城，沿茶果嶺道進入村內，大概15-20分鐘。
我地都係咁啱去油塘，先順道過黎食個下午茶，落車後都搵左一陣，特別多謝有街坊見我地唔係村內人，加上一副疑惑，主動問係咪要去榮華再指出方向，足見冰室名氣。
由於係週日，客人不少，相信有部分都係專程過黎，都舉住相機影過不停。 門外鐵閘、天花吊扇、木椅木凳、褪色海報、手寫白板餐牌，或許對老一輩而言，滿滿回憶。
五香肉丁麵 $16榮華冰室一律採用出前一丁，仲要唔洗加錢，淨係呢樣野已經絕哂種啦！
肉丁都係用靚野，仲要料多，成碗麵咁靚仔，我仲有咩要求？
魚片餐肉麵 $16魚片、餐肉輕輕煎過，香口啲但唔會燶，冇鍋撈，一樣係丁麵，結合價錢，又係無得輸
雞翼尖 $13作為雞翼尖控，見到雞翼尖係必點的。
雞翼尖用鹵水燜煮，好腍身，入味。唔係味精，仲食到姜蓉味，好突出！
呢個似阿媽煮嘅餸，十三蚊，一碟唔夠喉，要encore。
西多士 14眼見每枱都會點，住家做法，冇花巧可言，西多唔會太厚身，已經切開成九宮格，方便即食，加上牛油、煉奶，即叫即做。
香口，唔膩，又唔會太甜，好抵食！
凍奶茶$11凍檸檬茶$11
比較普通，茶味單一，偏淡，可能因為小本經營，唔會用上好幾種茶葉去混合做茶胆。
凍檸茶比奶茶好喝，檸檬份量足夠，令我不期然諗起平時啲茶記少得可憐、揸乾水嘅檸檬片…
老闆娘話佢地嘅冰全部自製，唔係乾冰，一般茶室真係啋你都有味。
整體而言，喺度食野食到嘅係住家味道，稱唔上隱世美食，但就係食得滿足。臨走埋單$81，仲會因為聽到老闆娘話：「80蚊得喇」，明明外面有人等位，都仲會問你坐唔坐多陣，唔會趕你，叫人會心微笑。
並唔係因為呢一蚊雞而笑，亦唔係因為想坐多一時三刻而笑，係因為呢一蚊、呢一時三刻就係快餐、茶餐廳俾唔到你的。
张贴
