榮哥廚房私房菜

营业中

休息中

亞妹今日請客，帶我們去了觀塘工業區內的一間私房菜館，雖然地方對我來說有點遠，但食後感覺是值得，因用料靚味道好。其實亞妹時不時捐窿捐罅搵好嘢食，對她所選的一定有信心。有機沙律伴芝麻醬有機菜果然味道清甜，沒有泥味。跟芝麻醬汁好夾。涼伴黑木耳和鮑魚菇開胃菜，越食越起勁。茶燻流心蛋伴黑魚子配厚切茄子流心蛋做到流心效果，有微微的茶香。茄子肉厚有口感。哈密瓜螺頭黑毛豬肉湯味道清甜，好滋潤，材料豐富。帶子水芙蓉原來蒸蛋白，時間掌握得很好，不過老好滑。面上那層是金荀汁做成的茨汁，頗特別。明梅醬燜頭腩酸甜有道，非常入味，有𡁻口。黑松露炒班球好惹味，每塊班球充滿黑松露香，可惜調味方面鹹了一點。冰梅黑豚肉排骨我最鐘意食，酸咪的梅子己入味，每啖排骨滲出梅子香，再加上軟腍的肉質，真的不錯。黑蒜炒飯黑蒜味並不明顯，但炒得好香，飯粒乾爽。