影片
更多
2020-05-25
251 浏览
一直想試光榮冰室好耐，但平時超級多人排隊今日咁啱經過尖沙咀，又未到午飯時間，所以等左一陣就入得雖然間餐廳人流好多， 但我非常之欣賞佢哋嘅防疫措施每個客人臨踏入舖頭之前都一定要量體溫同埋消毒雙手如果唔係，客人係唔可以行入店舖嘅👍🏻我哋兩個人一個嗌咗紅酒牛肋肉飯， 一個嗌咗開心浩園餐（ 即係蔥油雞扒加三隻太陽蛋）， 再加咗杯凍檸水同熱咖啡開心浩園餐：餐如其名，真係好開心， 首先個名改得好好，份量又真係好大份，一個大食既男仔都覺得好飽😳而且蔥油雞扒好入味，又夠香， 三隻太陽蛋都煎得啱啱好，蛋邊仲有少少燶邊添，好正紅酒牛肋肉飯： 佢既紅酒味就唔會話好濃，但係佢個汁係非常之好送飯， 而佢嘅牛肋肉煮得啱啱好，好冧滑，有啲位仲有啲趙口，口感好豐富野飲就正常味道啦如果有機會，又唔係好多人排隊，我都想再食多次呢間黃到金嘅餐廳
今日咁啱經過尖沙咀，又未到午飯時間，所以等左一陣就入得
雖然間餐廳人流好多， 但我非常之欣賞佢哋嘅防疫措施
每個客人臨踏入舖頭之前都一定要量體溫同埋消毒雙手
如果唔係，客人係唔可以行入店舖嘅👍🏻
我哋兩個人一個嗌咗紅酒牛肋肉飯， 一個嗌咗開心浩園餐（ 即係蔥油雞扒加三隻太陽蛋）， 再加咗杯凍檸水同熱咖啡
開心浩園餐：餐如其名，真係好開心， 首先個名改得好好，份量又真係好大份，一個大食既男仔都覺得好飽😳而且蔥油雞扒好入味，又夠香， 三隻太陽蛋都煎得啱啱好，蛋邊仲有少少燶邊添，好正
紅酒牛肋肉飯： 佢既紅酒味就唔會話好濃，但係佢個汁係非常之好送飯， 而佢嘅牛肋肉煮得啱啱好，好冧滑，有啲位仲有啲趙口，口感好豐富
野飲就正常味道啦
如果有機會，又唔係好多人排隊，我都想再食多次呢間黃到金嘅餐廳
张贴
