影片
更多
2022-08-06
103 浏览
講明係「上水貨舖」居然係大圍🤔？皆因第一間店由上水起家，第二間分店開係大圍啦，九龍嘅朋友仔想去都更方便！唔知有無啲上善若水Be water嘅意思呢💧~一入門亮見到天花上碩大嘅「香港」霓虹燈，仲有地下嘅水磨石地板，全部都係值得好好保存嘅香港傳統工藝🗃回歸正題，呢間可能係我見過最有內涵嘅良心小店，一間店分咗展覽、零售同廚部三部分🫰🏻。今期限定展覽「國勇堂」幾發人深省，唔劇透等你嚟體驗！零售雜齊多種香港製造嘅日常用品/食品/文創/新鮮本地菜🥦，想一站式入貨同支持香港製必訪！廚部主打融合香港特色輕食飲料，符合港人速食文化，有得食又有得玩👻，非常推薦你嚟行吓睇吓————————————————👅白灼本地蝦沙律（$72）👍🏻 選用科學園魚菜共生沙律菜，比水耕菜更有菜味，加入新鮮南瓜同青瓜，蝦仁由廚師每朝入貨，新鮮度同鮮味係無得呃人㗎🦐，用果仁同芒果沙律醬點綴，營養好豐富，當正餐都有飽足感👅香煎叉燒五花腩/燒片皮鴨卡霸（$68/$65）👍🏻 土耳其Kebab都可以同香港口味做Crossover，叉燒五花腩同片皮鴨肥而不膩，每一卷卡霸都超大卷🌯，包住好多新鮮沙律菜，兩個人share都無問題👅牛油果羽衣
回歸正題，呢間可能係我見過最有內涵嘅良心小店，一間店分咗展覽、零售同廚部三部分🫰🏻。今期限定展覽「國勇堂」幾發人深省，唔劇透等你嚟體驗！零售雜齊多種香港製造嘅日常用品/食品/文創/新鮮本地菜🥦，想一站式入貨同支持香港製必訪！廚部主打融合香港特色輕食飲料，符合港人速食文化，有得食又有得玩👻，非常推薦你嚟行吓睇吓
————————————————
👅白灼本地蝦沙律（$72）
👍🏻 選用科學園魚菜共生沙律菜，比水耕菜更有菜味，加入新鮮南瓜同青瓜，蝦仁由廚師每朝入貨，新鮮度同鮮味係無得呃人㗎🦐，用果仁同芒果沙律醬點綴，營養好豐富，當正餐都有飽足感
👅香煎叉燒五花腩/燒片皮鴨卡霸（$68/$65）
👍🏻 土耳其Kebab都可以同香港口味做Crossover，叉燒五花腩同片皮鴨肥而不膩，每一卷卡霸都超大卷🌯，包住好多新鮮沙律菜，兩個人share都無問題
👅牛油果羽衣甘藍牛奶（$45）
👍🏻選用本地十字奶品牌，牛油果香味同奶味匹配🥑，super food羽衣甘藍本身比較淡味，討厭草青味嘅朋友請放心
.
👅蜂蜜火龍果翠玉烏龍（$37）
👍🏻紅肉火龍果粒每日製作，用蜂蜜代替糖漿更健康🍯，係一杯有驚喜嘅烏龍茶
👅100%蒸餾純露茗茶（$38）
👍🏻清茶中添加香港蒸餾所提取嘅純露，可以揀白蘭花/秘魯聖木/鼠尾草🪷，白蘭花淡淡清香，令人想起公公婆婆喺街邊賣白蘭花嘅情景，係地道嘅香港風景
————————————————
🚩總結：概念咁好嘅鋪頭一定要大力支持！💛
————————————————
🌟注意：餐廳食物以外賣形式供應，不設堂食，店內外都有少量位置比顧客坐低休息下嘅
————————————————
📍 上水貨舖
地址：大圍積壽里1-3號地下
🗺地區：#bem大圍
📥分類：#bem快餐
💰人均消費：#bem51至100蚊
张贴
