更多
2023-09-18
41 浏览
行街行到热,行到厚福街就去H8揾有咩食。突然好想饮杯冰冻生啤,就去咗德美食日本菜。以前喺红磡返工间唔时会去红磡新村𠮶间食lunch,今次第一次嚟尖沙咀店。一坐低就点咗杯冰冻生啤,好啱夏天热辣辣饮,爽!之后再点咗一个野菜牛肉锅同汁烧鲜鱿筒。最钟意食野菜牛肉锅个寿寿喜烧汤底,甜甜地好开胃。个锅都几足料,有半生熟蛋、唔少牛肉片、仲有豆腐、红萝卜、绍菜、冬菇同粉丝。个汁烧鱿鱼筒好高质,卖相又好。鱿鱼质地软软的,似棉花糖,个汁啱啱好,唔会太咸,好啱送啤酒。
张贴