緣味小聚 (LADDER Dundas) (已結業)

平時很少給予食肆評價，但今次真係唔比唔得。今次朋友生日想食海鮮，揀左個平時比較少食的蒸氣鍋放題。店內空間不大，但服務員態度熱情，基本上每枱都幫手蒸海鮮；上單速度快，又唔漏單，叫幾多比幾多。我地人數少少，寫左廿幾隻蠔 真係比左廿幾隻 認真抵讚最緊要既海鮮質素，性價比相當高，唔似係平時放題質素。尤其係生蠔同海蝦，相當大隻同鮮甜，有酒店單嗌水準。 但蜆同聖子就可能唔太適合蒸氣鍋煮法，縮到好細。 同場鮑魚亦是任食，我自己唔太好鮑魚 但都食左幾隻，有中上水準，幾大隻同新鮮 (真係活架!識吸住個盤)以前放題多數蝕住離場。但今次三百幾蚊放題令我第一次覺得有回本的感覺。食左老闆娘咁多生蠔 認真要撰文推薦下