影片
更多
2019-04-20
92 浏览
日本菜除左刺身同壽司之外，我最中意食既就係鰻魚，每次去日本都一定會預一兩餐係食鰻魚既，因為我覺得喺日本食鰻魚係特別好食既，喺香港好難搵到似樣既鰻魚食。但係今晚去左呢間鱻食之後，就令我一試難忘。本身今晚其實無諗住係食鰻魚既，坐低之後見到佢個餐牌有個"活海鰻會席" 覺得非常吸引，所以決定一試。先講少少餐廳個裝修真係好grand, 好有日本銀座區果d高級居酒屋既感覺，呢道仲有Omakase可以選擇，其實都好吸引，價錢又唔算貴。講番正題先，首先係季節沙律，原來係炸鰻魚皮沙律。炸鰻魚皮好脆好香，食完個沙律即刻好開胃。之後係刺身3點，分別係帆立貝，海蝦同油甘魚。d刺身好新鮮，仲係師傅即場切既，帆立貝同蝦都好大隻又勁鮮甜，油甘魚油脂味勁重，口感一流。跟住係另外加既活魚刺身，首先賣相已經100分，食落更加係無得彈，新鮮爽甜又彈牙，真係超級好食。活海鰻天婦羅，皮夠薄而且又脆，鰻魚好彈牙，口感十足，炸完之後真係好香，食到停唔到口。活海鰻蒸年糕，呢碟菜非常特別，我都係第一次試，年糕好煙韌但又唔會好難咬得開，蒸既鰻魚又有另一番味道，值得一試。活海鰻籠仔蒸飯好香，黎遠已經芬香撲鼻，特別想講既係d飯勁好味，因為佢
本身今晚其實無諗住係食鰻魚既，坐低之後見到佢個餐牌有個"活海鰻會席" 覺得非常吸引，所以決定一試。
先講少少餐廳個裝修真係好grand, 好有日本銀座區果d高級居酒屋既感覺，呢道仲有Omakase可以選擇，其實都好吸引，價錢又唔算貴。
講番正題先，首先係季節沙律，原來係炸鰻魚皮沙律。炸鰻魚皮好脆好香，食完個沙律即刻好開胃。
之
後係刺身3點，分別係帆立貝，海蝦同油甘魚。d刺身好新鮮，仲係師傅即場切既，帆立貝同蝦都好大隻又勁鮮甜，油甘魚油脂味勁重，口感一流。
跟住係另外加既活魚刺身，首先賣相已經100分，食落更加係無得彈，新鮮爽甜又彈牙，真係超級好食。
活海鰻天婦羅，皮夠薄而且又脆，鰻魚好彈牙，口感十足，炸完之後真係好香，食到停唔到口。
活海鰻蒸年糕，呢碟菜非常特別，我都係第一次試，年糕好煙韌但又唔會好難咬得開，蒸既鰻魚又有另一番味道，值得一試。
活海鰻籠仔蒸飯好香，黎遠已經芬香撲鼻，特別想講既係d飯勁好味，因為佢盡收鰻魚既精華，鰻魚既清香已經唔多作介紹，呢個飯非常出色。
最後係活海鰻玉子蛋糕，都係第一次試，甜甜地好特別，味道唔錯。
张贴
