我愛伊斯坦堡 (已搬遷) 新店位置

呢間餐廳一直已經想試好耐，之前上過嚟一次可惜摸門釘。今次就醒目左，預早book定位，食晚餐二人Set。佢有唔同價位嘅套餐可以選擇，只需要講低自己唔食啲乜，安心交比土耳其廚師發辦就得！店員嘅態度非常友善，好細心咁同我介紹每款食物同土耳其文化。原來土耳其人每一餐都會食沙律，材料亦都十分講究。蕃茄同青瓜係一比一既份量，加上適量嘅蒜頭同洋葱，仲有堅果，提子乾，合桃同杏仁，配合鹽，香料，薄荷葉，橄欖油，最後加上少量紅石榴醬，清新之餘，又好惹味！我平時係唔鍾意食沙律，好憎陣青草味，但呢個係食得舒服既👍🏻而且材料都夠天然健康。烤雞飯烤雞皮脆肉嫩，香口之餘又唔膩，油份控制得好好，而且雞肉經過調味，味道唔會單調呢👍🏻乳酪醬味道帶點咸香，唔會太重口味，配上飯一同進食，好夾。飯粒粒分明，口感濕潤。茄子薯仔雖經油炸但不油膩，茄子非常之惹味，加上香料，比一般街邊啲炸薯條出色得多。牛肉烤餅呢個十級好食🥰烤餅上有層厚厚既芝士，芝士下係一片片既肉。批邊香脆，整體口感煙韌，唔膩，正！最後有土耳其雪糕做甜品。