稻菊日本餐廳 (已結業) 查看

知道帝苑酒店每家餐厅都有质素, 今次订了日本餐厅稻菊。上次Sabatini环境暗暗的, 今次稻菊也差不多, 但本人颇喜欢。首先点了个刺身拼盘, 鱼生都算新鲜, 吞拿鱼无筋, 食过d低级既有筋有阵酸怪味, 但最好食是赤贝, 入口鲜味, 吞完仲留有余香。寿司都几好, 饭唔会散, 小小的一啖上面放著块遮盖晒饭既鱼生, 唔似得某酒店的寿司饭是鱼生的6倍。 旁边的玉子甜甜的, 味道唔错。其实稻菊出名既应该系天妇罗, 以上是酱汁。之前睇过介绍话观察盛著天妇罗底下的纸就知道师父功力如何。如果咁睇, 稻菊师父功力都唔错, 底下的牛油纸只有两点油印。入口都无好油感觉, 粉浆调得好, 入口爽脆,无拖泥带水。得两个人食, 食唔到太多野,下次揾多几个,再试多几样。